Пазар на дрвени пелети - раст, трендови и предвидувања 2021 - 2026 година

На почетокот од грејната сезона, одново станува актуелна темата греење на пелети, како една од поекономичните опции за греење. Од друга страна, се поставува прашањето каква е состојбата со пелети во пошироки рамки. Во продолжение на овој текст можете да дознаете повеќе во врска со тоа.



Глобалниот пазар на дрвени пелети во 2020 година се проценува на 10,5 милијарди американски долари, а се очекува да достигне 15,6 милијарди американски долари до 2026 година, со пондерирана годишна стапка на раст од 7,28% во текот на 2021-2026 година.

Примарен двигател на пазарот на дрвени пелети претставува зголемената побарувачка за дрвени пелети во производството на еколошки почиста енергија, особено во Европа.

Примената на дрвени пелети за греење имаше значителен пазарен удел во 2020 година и веројатно ќе доминира на пазарот во текот на прогнозниот период.

Според Светската асоцијација за биоенергија, дрвените пелети имаат потенцијал да го заменат јагленот во капацитетите за производство на електрична енергија.
Термичката надградба им овозможува на дрвените пелети да дејствуваат како гориво со својства на јаглен.

Со значително производство на дрвени пелети во текот на 2020 година, се очекува Европа да доминира на пазарот во текот на прогнозниот период.

Трендови на пазарот на дрвени пелети

Доминација на пазарот на дрвени пелети во примената за греење  

Пелетите се цврсто гориво од биомаса, првенствено произведено од остатоци од дрво и земјоделски нуспроизводи како што е сламата. Специфичните предности на пелетите во споредба со необработената биомаса претставуваат стандардизираните својства, високата енергетска содржина и високата густина.

Примарната употреба на дрвените пелети за греење се однесува на станбениот и комерцијалниот сектор.

Како обновлив извор на енергија, дрвените пелети добија субвенции и стимулации од владите во многу држави коишто ги ажурираа своите политики поврзани со дрвените пелети за греење.

Водечки параметри на Европскиот пазар на дрвени пелети

Во Европа, државите од ЕУ се значаен производител, но и потрошувач на дрвени пелети.
Во 2020 година, во ЕУ имало производство на дрвени пелети од околу 25 милиони метрички тони, со што биле покриени 74% од потребите во ЕУ државите.
Од 2019 година, во ЕУ е регистрирано скромно зголемување од 5 проценти во производството на дрвени пелети.

Побарувачката за дрвени пелети во Европа се очекува да се зголеми за 30-40% помеѓу 2021 и 2026 година. Европските држави учествуваат со повеќе од 50% од глобалната побарувачка на пелети. Почнувајќи од 2020 година, употребата на пелети од страна на европските држави вклучува греење на станбени простории (40%), електрани (36%), комерцијално греење (14%) и комбинирани централи за топлина и електрична енергија (10%). Згора на тоа, пелетите се пробиле и во проекти за конверзија на јаглен во локалните власти или зградите на јавната администрација, како што се училиштата и канцелариите.

Во Европа најверојатно ќе дојде до следење на искуствата на северноамериканските производители, коишто покажаа дека е можно да се користат повеќе шумски остатоци во производството на дрвени пелети. 
Кај нас исто така интересот за производство на пелети и греење со ова цврсто гориво е прилично зголемен.