Најава за ИПАРД Мерка 3 - Инвестиции во основни средства за преработка и маркетинг на земјоделски производи

Најавен е јавниот повик од Агенцијата за финансиска поддршка во земјоделството и руралниот развој, за ИПАРД програмата, за користење на средства по мерка 3 – Инвестиции во основни средства за преработка и маркетинг на земјоделски производи.

Јавниот повик ќе биде објавен во текот на вториот квартал од оваа година, а периодот за аплицирање ќе трае 45 дена од денот на објавувањето во дневните весници.

Финансиски средства се доделуваат како неповратна финансиска поддршка (грантови) во максимален износ од 1,5 милиони евра, кој изнесува 50% од вкупната вредност на прифатливите трошоци за инвестициите.

Мерка 3 - Приоритетни сектори

За оваа мерка, приоритетни сектори односно типови на инвестиции се следниве:

- Млеко и млечни производи;
- Месо и производи од месо (вклучувајќи јајца и живина);
- Овошје и зеленчук (вклучувајќи ги компирите, печурките и легуминозните култури);
- Житарки, мелнички продукти и скроб;
- Растителни производи и масла и маснотии од животни;
- Шира, вино и оцет:
- Производство на енергија преку погони за преработка и производи од животни од примарната и секундарната биомаса, со исклучок на биомаса од рибни производи.

Кој може да биде корисник

1. Правни лица (трговски друштва во рангот на микро, мали, средни претпријатија до 250

вработени и годишен обрт до 50 милиони евра.

2. Задруги.

Вкупниот буџет наменет за финансирање на проекти во рамки на Мерка 3 изнесува 40 милиони евра за времетраењето на целата ИПАРД 3 програма. Во однос на претходните повици за Мерка 3, со претстојниот повик се предвидени зголемени можности за различни типови на инвестиции и поголем обем на одобрени проекти.

Доколку ви е потребна подготовка на проект за аплицирање на овој јавен повик, можете да не контактирате преку следниот број 077/ 816 447.
Исто така, изработуваме и други видови на проекти.

Image by Freepik